اللقاء الاسبوعى لقداسه البابا شنوده اليوم الاربعاء

س من مشاهدى c t v : هل السبتيون هم يهود ام مسيحييون يقدسون السبت ؟
س من مشاهدى c t v : هل السبتيون هم يهود ام مسيحييون يقدسون السبت ؟


السبتيون ليسوا يهودا لكنهم يؤمنون بمبادىء يهوديه يؤمنون بيوم السبت زى اليهود وهم اسمهم السبتيون الادفنتيست يعنى ( مجيئين ) يؤمنون بمجىء المسيح الثانى

وانه يجلس فى اورشليم لهم مبادىء كثيره جعلتنا لا نعترف بانهم مسيحيون وانا ( سيدنا ) اصدرت لهم كتاب عن بدع السبتين الادفنتست اللى يحب يقراها يتفضل


س : واحد بيقول ما معنى كاتدرائيه ؟


كلمه كاتدرائيه ماخوذه من كلمه كاتدرا ( وهو كرسى الاسقف او رئيس الكهنه او البطريرك ) فكانت هذه الكلمه تطلق على مقر الاسقف او رئيس الكهنه او بطريرك الناس دلوقتى يستخدمونها لاى كنيسه كبيره لكن الاستعمال بالشكل ده يبقى خطا .

الكاثوليك بيكتبوا على الكرسى اسم اكس كاتدرا اى كرسى الرئاسه


س : فكرة الموت مسيطره على تماما وتؤثر تاثير سلبى لتربيتى لابنتى بالرغم من ارتباطى من الكنيسه والترانيم ؟


اذا كانت مسيطره عليك لابد ان تستعد لهذا الموت ومن ضمن شروطهان تحسن تربيتك لابنتك فكلامك متناقض ان مسيطر عليك فكره الموت ومعملتك السلبيه لابنتك بالعكس لازم تهتم جدا فى تربيتها عشان لما تسبقها للسماء وتتركها وانت مطمئن عليها .


س من مشاهدى اغابى : واحد بيقول تزوج اخى من امراءه امريكيه غير ارثوذكسيه وكان شماس وخادم فى مصر وسافر لكى ينال الاقامه تزوج بها وانجب 3 اولاد وتم تعميدهم بمصر وبعد فتره فجاه سافر الاسقف ونبه بعدم تناول الاولاد وحرمهم من التناول ؟


عدم تناول الاولادــــــــــــــــــــــــــــــــــ لازم حقق فيها ازاى

الاولاد لا ذنب لهم على الاطلاق يعنى اتجوز الاب والام بطريقه شرعيه او لاء ولادهم ليس لهم ذنب كما ورد فى سفر حزقيال النبى الاصحاح 18 لاياخد الابن من ذنب الاب ولا الاب من ذنب الابن .............

حرمان الولاد امر خاطىء خصوصا انهم اتعمدوا فى مصر اما الاب و الام احتاج دراستها


س : كيف اختار شريكه حياتى ؟؟


احنا معندناش خبره فى الموضوع ده اختار الشخصيه اللى تتفق معاها فكرا او طباعا ( الجمله ده لها تفاصيل كثيره)

ونفس الكلام ده يتقال برده للمراءه اختارى الرجل الذى تتفق معه فكرا و طباعا حد يقولى مش معقول الاقى حد يتفق معاه فى الفكر والطباع اقةله خد اقرب الناس لفكرك وطباعك

انا ساعات استغرب على كلمه شريك الحياه الواحد يبص يلاقى حد مشاركه فى حياته ( ربنا يستر )


س : واحده بتسال هل يوجد دير للراهبات باسم حنه ؟


الاديره عنجنا باسماء القديسين والقديسات والاديره عندنا فى القاهره دير ابى سيفين ودير مارجرجس بمصر القديمه العذرا حاره زويله ومارجرجس حاره زويله وابوسيفين حاره الروم والقديسه دميانه بالبرارى بلقاس ودير للبنات فى اورشليم القدس .

اى دير تانى الكنيسه غير معترفه بيه ولا تعترف ان اللى فيه راهبات .


س : واحد بيقول فى حداثتى كنت افعل خطايا كثيره لكن بعد ما عرفت ان كل ما افعله هو خطا فى حق المسيح ندمت على ما فعلت ولم اعد افعله ( توبت يعنى ) لكن دائما اتذكر اخطائى قدام عنيا ماذا افعل ؟


داود النبى قال " خطيتى قدامى فى كل حين ......" مفيش مانع تتذكر خطاياك لكن نصيحتى لك لا تتذكر تفاصيل الخطايا الانفعاليه والشهوانيه حتى لاتقع فيها مره اخرى مثل خطيه زى الغضب . غضبت على فلان عشان كذا واتنرفزت عليه لو افتكرت التفاصيل ترجعلك الخطيه مره اخرى .

الخطيه الشهوانيه لا تعود تقتكرتفاصيلها حتى لا تعود لك مره اخرى مثلا افرض انك حسدت احد غيرك لانك اشتهيت حاجه عنده لو تذكرت تفاصيل الخطيه تحسده مره اخرى افتكر خطاياك لكن تفاصيل الخطايا الشهوانيه والانفعاليه لا تفتكر تفاصيلها

من له اذنان للسمع فليسمع